A do ta takojë Berishën? Ja si përgjigjet Gazmend Bardhi

Kryetari i Grupit Parlamentar i Partisë Demokratike, Gazmend Bardhi në një deklaratë për mediat pas mbledhjes me grupin parlamentar është shprehur se është e rëndësishme që PD-ja të bëhet bashkë në këtë rrugëtim pasi zgjedhjet parlamentare janë shumë afër.

Sa i përket drejtimit të Partisë ai ka theksuar se Tabaku është nënkryetare dhe funksionarja më e lartë për momentin në këtë parti, ndërsa ai është drejtues i grupit parlamentar.

Bardhi ndër të tjera ka theksuar se është i gatshëm që të bashkëpunojë me të gjithë kolegët demokrat pavarësisht qëndrimit që ato kanë në parti, në mënyrë që të krijojnë një PD më të fuqishme dhe të bashkuar.

“Sa kohë nuk ka asnjë qëndrim as nga institucionet e partisë dhe as nga individë konkretë mua nuk ma ka rikonfirmuar askush. Zoti Alibeaj nuk ka qenë në seancë plenare dhe në mbledhjen e grupit por nuk kam folur për arsyet. Ajo që di unë të them është se sipas statusit të partisë drejtues për partine ngelet zyrtari më i lartë në këtë parti dhe ajo është zonja Jorida Tabaku nënkryetare e partisë.

Ajo që është e rëndësishme për PD-në është ndalja e gjuhës përçarëse, ato i njoh dhe nuk i njoh çuan hartën rozë në çdo cep të Shqipërisë. Ajo që ka rëndësi është që të gjejmë zgjidhje dhe secili e ka në dorë që të bashkohet zgjidhjes së demokratëve ose jo. Ka pasur gjithmone mes meje dhe kolegëve të mi pavarësisht mendimeve që kemi në zhvillimet e partisë. Unë kam pasur dhe ruaj marrëdhënie korrekte me secilin koleg, pavarësisht pozicionimit që ato kanë në parti. Edhe ato ndajnë të njëjtin mendim se të ndarë dhe të përçarë nuk forcon PD-në por Edi Ramën”, ka thënë Bardhi.

I pyetur nëse do të takohet me Berishën, Bardhi është shprehur se ai kur është takuar me kundërshtarin e tij politik më të madh për interes të vendit që është Edi Rama nuk ka asnjë kompleks që të ulet me Sali Berishën apo këdo koleg tjetër demokrat.

“Nuk kam asnjë problem të ulem me këdo, kur jam ulur me kundërshtarin më të madh Edi Rama për interes të Shqipërisë nuk kam asnjë kompleks që të ulem me cilido koleg”, ka thënë Bardhi.